Netanyaxu Ny-Yorkka tashrif buyurish niyatida — ehtimoliy hibs tahdidiga qaramay

Isroil Bosh vaziri Binyamin Netanyaxu Xalqaro jinoyat sudi (MJS) orderiga asoslangan ehtimoliy hibs tahdidiga qaramay, Nyu-York shahriga tashrif buyurishini ma’lum qildi.

Uning aytishicha, u AQSh prezidenti Donald Tramp bilan birga Nyu-Yorkka boradi:

«Men Nyu-Yorkka prezident Tramp bilan birga boraman», — dedi Netanyaxu.

Bu bayonot bilan u AQSh Demokratik partiyasidan Nyu-York shahar meri lavozimiga nomzod sifatida ko‘rilayotgan Zoxran Mamdanining so‘zlariga javob berdi. Mamdani o‘z bayonotida, agar Netanyaxu Nyu-Yorkka kelsa, uni Xalqaro jinoyat sudining orderi asosida hibsga olishini va’da qilgan.

Tadbir chog‘ida Donald Tramp ham Netanyaxuni qo‘llab-quvvatladi va shunday dedi:

«Saylovda g‘alaba qilish hali mustaqil qaror qabul qilish huquqini anglatmaydi».

Mazkur voqea xalqaro siyosiy muhokamalarga sabab bo‘lib, AQSh va Isroil o‘rtasidagi munosabatlarga ham ta’sir ko‘rsatishi mumkin.