Tramp Erondagi uranni boyitish bo‘yicha yer osti inshootini yo‘q qilish zarur deb hisoblamoqda

AQSh prezidenti Donald Tramp Eronning Fordo shahridagi uranni boyitish bo‘yicha yer osti inshootini yo‘q qilish zarur deb hisoblaydi va unga zarba berishga intiladi.

Bu haqda Amerikaning CBS telekanali ma’lum qildi.

Uning manbalariga ko‘ra, yordamchilar Amerika rahbarini Fordodagi yadroviy ob’ektni ehtimoliy bombardimon qilish bilan bog‘liq "xavf va foyda" haqida xabardor qilgan. Trampning fikricha, “Eronning Fordodagi ob’ektini o‘chirib qo‘yish u yerda nisbatan qisqa vaqt ichida qurol yaratish xavfi tufayli zarur”, — deyiladi hisobotda.

"U tanlov kichik, deb hisoblaydi. Ishni yakunlash Fordodagi ob’ektni yo‘q qilish demakdir", - deya ta’kidladi manba.

Tramp 18 iyun kuni jurnalistlarga ushbu ob’ektga zarba berish imkoniyati bo‘yicha hali yakuniy qarorga kelmaganini aytdi. U jurnalistning, uning fikricha, Fordodagi ob’ektni yo‘q qilish Tehron bilan Eron yadro dasturi bo‘yicha kelishuvlar tuzish uchun zaruriy shartmi, degan savoliga salbiy javob berdi.

OAV hisob-kitoblariga ko‘ra, Fordodagi yadroviy inshootni yo‘q qila oladigan o‘ta og‘ir bomba faqat AQShda mavjud. U tog‘ning qalinligida, taxminan 90 metr chuqurlikda joylashgan. Amerikaning Axios portali avvalroq AQSh Isroilga bunker buster bombalarini topshirish imkoniyatini ko‘rib chiqayotgani haqida xabar bergan edi.