Bekobodda endi bolalarda murakkab operasiya amalga oshiriladi

1 iyun — Xalqaro bolalarni himoya qilish kuni hamda Qurbon hayiti munosabati bilan Bekobod tumanida ilk bor 4 nafar bolaga yurak jarrohligi amaliyoti o‘tkazilmoqda.

Ulardan 3 nafarida yopiq usulda, 1 nafarida esa ochiq yurakda “Aorta karonar shuntlash” amaliyoti amalga oshiriladi.

Bu xayrli ish Milliy tibbiyot markazi hamda Bekobod tumani tibbiyot birlashmasi hamkorligida tashkil etilmoqda. Kambag‘allik reestirida turgan, tug‘ma yurak nuqsoni bor 43 nafar bola to‘liq tibbiy ko‘rikdan o‘tkazilib, shifokorlar tomonidan 12 nafariga jarrohlik amaliyoti tavsiya qilindi.

Endi bemor bolajonlar uzoq shaharlarga bormay, tumanda shifo topadilar. Bu — tibbiyotdagi yangicha yondashuv va inson qadriga bo‘lgan e’tiborning yorqin namunasidir.

Eslatib o‘tamiz, avvalroq Bekobodda tuman darajasida amalga oshirilgan respublikadagi ilk murakkab amaliyot — tarixiy operasiya amalga oshirilgandi.