Qidiruvdagi "Spark" topildi

Qonun ustuvorligi va fuqarolar huquqlarini himoya qilish har bir davlatning asosiy ustunidir.

Yaqinda MIB Qo‘qon bo‘limi yana bir muhim ishni yakunlab, aholi o‘rtasida qonunga bo‘lgan ishonchni mustahkamladi.

Gap shundaki, Qo‘qon tumanlararo sudining qaroriga ko‘ra, qarzdor I.O.dan "I.H.T." MCHJ foydasiga 46 million 138 ming 675 so‘m miqdorida qarz undirilishi lozim edi. Ushbu qarzdorlikni qoplash maqsadida I.O.ga tegishli bo‘lgan "Spark" rusumli avtomashina garovga qo‘yilgan edi. Ammo, qarz undiruvga qaratilgan harakatlarga qaramay, avtomashina izsiz yo‘qolgan, bu esa ijro jarayonini murakkablashtirgan.

MIB xodimlarining shiddatli qidiruv ishlari natijasida, ushbu "Spark" avtomashinasi kutilmagan vaziyatda aniqlandi: u nafaqat topildi, balki faoliyat ko‘rsatuvchi taksi sifatida yo‘lovchi tashiydi! Qarzdor qarzga botgan avtomashinani yashirish o‘rniga, undan faol daromad olishda davom etayotgan edi.

Tezkor choralar ko‘rilgan holda, avtomashina darhol xatlandi va tegishli tartibda rasmiylashtirildi. Endilikda ushbu avtomashina qarzni qoplash maqsadida qonuniy tartibda sotiladi.