Isroil Qurolli kuchlari (SAXAL) tomonidan G‘azo sektoriga uyushtirilgan so‘nggi havo zarbalari natijasida kamida 39 kishi halok bo‘ldi.
G‘azo Sog‘liqni saqlash vazirligining ma’lum qilishicha, 2025 yil 18 martdan buyon davom etayotgan harbiy operasiyalar natijasida anklavda halok bo‘lganlar soni 2 300 nafardan oshgan, jarohat olganlar esa 6 000 nafardan ko‘proqni tashkil etmoqda.
Ma’lum qilinishicha, Isroil tomoni 18 mart kuni “HAMAS Amerika tomoni taklif qilgan o‘t ochishni to‘xtatish va garovdagi shaxslarni ozod qilish bo‘yicha rejani rad etgani”ni asos qilib, harbiy harakatlarni qayta boshlagan.
Ayni vaqtda mintaqadagi gumanitar vaziyat jiddiy ravishda yomonlashib bormoqda. Xalqaro tashkilotlar tinch aholi qurbonlari soni ortib borayotganini ta’kidlab, zudlik bilan otishmalarni to‘xtatishga chaqirmoqda.
O‘zbekiston Rossiya elchisini chaqirtirdi
Hindistonlik talaba Toshkent tibbiyot akademiyasidan norozi bo‘ldi
Fransiya Rossiya G‘alaba bayramiga taklif qilinmaganidan g‘azablandi
