Rossiya AQShdan Zaporoje AES boshqaruvini topshirish bo‘yicha hech qanday taklif olmagan – Sergey Lavrov

Rossiya Tashqi ishlar vaziri bu haqda CBS News telekanaliga bergan intervyusida aytib o‘tdi.

Intervyuda Lavrov tomonidan bildirilgan boshqa fikrlar:

◾️ Agar kerak bo‘lsa, Rossiya Qo‘shma Shtatlarga Zaporoje AESi ishonchli qo‘llarda ekanligini va uning nazorati o‘zgarishi mumkin emasligini tushuntiradi;

◾️ Moskva Vashingtondan sanksiyalarni bekor qilish bo‘yicha takliflar olmadi, ammo AQSh biznesni birgalikda yuritishdan manfaatdor;

◾️ Rossiya Ukraina bo‘yicha hech qanday yon berishga tayyor emas, shu bilan birga, manfaatlar muvozanatini izlashga tayyor;

◾️ Tramp Qrim kimga tegishliligi haqida haqiqatni aytdi, u Rossiya o‘z hududining yaxlitligi bo‘yicha muzokaralar olib bormayotganini tushunadi;

◾️ Yevropalik siyosatchilar va Zelenskiy Trampning tinchlik tashabbusini Ukrainani kuchaytirish vositasiga aylantirmoqchi, bu AQSh prezidenti xohlayotgan narsa emas.