Pokiston va Hindiston qarama-qarshiligi: Pahalgam hujumidan so‘ng nimalar yuz berdi?

Hindiston Hind daryosi suvlari to‘g‘risidagi shartnomadagi ishtirokini to‘xtatdi.

Shuningdek, Hindiston Pokiston diplomatlarini chiqarib yubordi va o‘z diplomatlarini Pokiston poytaxtidan qaytarib oldi.

SAARC dasturi doirasida Pokiston fuqarolari uchun barcha vizalar bekor qilindi va Pokiston fuqarolariga mamlakatni tark etish buyurildi.

Attari-Vag‘a quruqlik chegara o‘tish punkti yopildi.

Kashmirda hujumchilarni qidirib topish uchun katta harbiy operasiya davom etmoqda, hind kuchlari bir nechta uylarni vayron qilib, ommaviy axborot vositalariga jonli efirni taqiqladi.

Bunga javoban Pokiston Kashmirdagi o‘t ochishni to‘xtatish chizig‘iga asos bo‘lgan Simla kelishuvida ishtirok etishni to‘xtatishini ma’lum qildi.

Pokiston ham Hindiston uchun o‘z havo hududini yopdi va barcha savdo aloqalarini to‘xtatdi.

Hindiston diplomatlari mamlakatdan chiqarib yuborildi, Hindiston fuqarolari uchun viza xizmatlari to‘xtatildi va Pokiston suv oqimlarini o‘zgartirishga har qanday urinish "urush harakati" bo‘lishi haqida ogohlantirdi.

Hindistonning Pokistondagi Oliy komissiyasi xodimlari soni ham qisqartirildi.

Pokiston "neytral" tergovni qo‘llab-quvvatlashini aytdi.