«Менимча, у сайлов ўтказиши керак. У бу можарони кўп марта ҳал қилиши мумкин эди ва энди сайлов ўтказиши лозим», — деди Трамп журналистларга.
Бир кун олдин АҚШ президенти Владимир Зеленскийни Россия нефтьни қайта ишлаш заводларига зарба бермаслик ҳақидаги АҚШ илтимосларини эътиборсиз қолдиришда айблаган ва Украинага Москва билан келишувга эриша оладиган янги раҳбар кераклигини билдирган эди.
Трампнинг бу баёнотлари жума куни Майамида Вашингтон ва Украина вакиллари ўртасида бўлиб ўтган музокаралар фонида янгради. Оммавий ахборот воситалари маълумотларига кўра, дастлаб икки кун давом этиши режалаштирилган учрашув муддатидан олдин якунланган. Таъкидланишича, бунга Трамп Владимир Путин билан телефон орқали суҳбатлашганидан кейин бир кун олдин эълон қилган дизель ёқилғиси бўйича келишув сабаб бўлган.
Шанба куни Россия ҳукумати дизель ёқилғисини экспорт қилишга қўйилган тақиқни қисман бекор қилди. Россия бош вазири ўринбосари Александр Новак таъкидлашича, Москва октябрь ойида АҚШ ва жаҳон бозорларига 300 минг тонна, ноябрда 500 минг тонна, декабрда эса бир миллион тоннагача дизель ёқилғиси етказиб беришга тайёр. Келгусида бу ҳажм ойига уч миллион тоннагача оширилиши мумкин.
Новакнинг қайд этишича, бунда Россия ички бозори дизель ёқилғиси билан тўлиқ таъминланиб қолади.
Нега айнан Эркинжон Турдимов? Бу қарор ортида қандай омиллар турибди?
Шахмат терма жамоаси аъзолари ҳибсга олинди
UzAutoMotorsʼни сотиб олишга учта давлатдан харидор чиқди
