Трамп: Зеленский Россия билан келишувни икки йил олдин тузиши керак эди

АҚШ президенти Доналд Трампнинг айтишича, Володимир Зеленский Россия билан келишувни икки йил олдин тузганида, Украина ҳозир анча қулайроқ вазиятда бўлар эди.

“Менимча, Россия келишув тузишни хоҳлайди. Биз бу масалани бир неча бор муҳокама қилдик. Аммо қандайдир сабабларга кўра, Зеленский келишув тузишни истамаяпти. Кучлар нисбатига қарайдиган бўлсак, бир томондаги аскарлар сони иккинчи томондагидан миллионлаб кўп. Менимча, у икки йил олдин келишув тузганида, бу оқилона қарор бўларди. Ўшанда у анча яхши шартларга эришиши мумкин эди”, — деди Трамп.

Шунингдек, Трамп Россия президенти Владимир Путин можарони ҳал қилишни жуда хоҳлаётганини айтди. Унинг таъкидлашича, Россия жаҳон бозорига катта миқдорда нефт етказиб бермоқда ва уни жуда арзон нархда сотмоқда.