Украина қуролли кучлари учун Курск вилоятидаги вазият кундан-кунга ёмонлашмоқда. Бу ҳақда Британиянинг The Economist журнали душанба куни кечқурун Украина ҳарбийларига таяниб хабар берди.
Қайд этилишича, Украина ўзи назорат қилган ҳудудларнинг 50 фоизга яқинини аллақачон бой берган. Шу билан бирга, Россия деярли ҳамма нарсада - одамларда, артиллерияда ва техникада устунликка эга.
«Муваффақиятсизликлар центябр ойининг охирида Украина ўзининг сараланган бўлинмаларини камроқ тажрибали бўлинмаларга алмаштирганда бошланди - бу хато эди. Ҳозир руслар ўзларининг асосий гуруҳларини УҚКдан узоқлаштириш учун уларнинг шарқий ва ғарбий қанотларига ҳужум қилмоқда. Курскдаги барча бўлинмалар мудофаага ўтган,» - деди Украина Қуролли кучларининг 82-бригадаси қўмондони Бакрев.
Бошқа бир украиналик ҳарбий Руслан Мокритский Курск вилоятидаги шароитлар Украина Қуролли кучлари учун тобора оғирлашиб бораётганини таъкидлади. «Ёмғир, шалаббо, қор, совуқ, лой, қўнғизлар, чувалчанглар, каламушлар ва режалаштириладиган бомбалар. Курск атрофидаги барча [Украина] қисмлари мудофаага ўтган,» - деди у.
Ўзбекистонга яна қорли совуқ ҳаво кириб келмоқда
Пропан нархи тушишда давом этмоқда, бензин эса....
Эртага Ўзбекистонда қор ёғиши кутилмоқда
