Хитойликлар уйғур болаларни қийноққа солмоқда

Интернетда уйғур болалар ўз оилаларидан тортиб олингандан сўнг, Хитойдаги қайта тарбиялаш марказларида уларга нисбатан шафқатсизликлар қилинаётгани акс этган видео пайдо бўлди.

Хитойдаги уйғурларнинг аҳволи йиллар давомида оғирлашиб, этник озчиликка қарши репрессия янги даражага кўтарилди. 2009 йил 5 июлда Шаогуандаги уйғурларга қарши ҳужумлар натижасида юзага келган Урумчи қўзғолони бурилиш нуқтаси бўлди. Ушбу воқеалар натижасида юзлаб одамлар ҳалок бўлди.

Ўшандан бери уйғурлар мунтазам равишда таъқиб қилиниб, оммавий ҳибсга олинди ва инсон ҳуқуқлари гуруҳлари маданий геноциднинг бир тури деб атайдиган «қайта тарбиялаш» лагерларига юборилди.

Хитой ҳукумати Шинжон-Уйғур автоном районида уйғурларнинг эҳтимолий норозиликларини ва қаршиликларини бостириш учун қаттиқ чоралар кўришда давом этмоқда.