Россия Мудофаа вазирлиги "Россия ҳудуди бўйлаб эҳтимолий узоқ масофали зарбаларга жавобнинг турли вариантларини ўрганмоқда," деди Россия Федерацияси президенти Владимир Путин ВГТРК журналисти Павел Зарубинга берган интервьюсида.
Унинг сўзларига кўра, "бундай ҳужумлар техник жиҳатдан Украина томонидан эмас, балки НАТО мамлакатларининг бевосита ҳарбий хизматчилари томонидан амалга оширилиши мумкин."
"Биз бунга тегишли равишда жавоб беришимиз керак. Қандай, қачон ва қаерда аниқ жавоб бериш ҳақида ҳозирча гапириш эрта... Албатта, бизнинг ҳарбий идорамиз бу ҳақда ўйлаяпти ва турли жавоб вариантларини таклиф қилади," - деди Путин ва қўшиб ўтдики, "Ғарб Россия ичкарисига зарбалар беришга рухсат бериш оқибатлари ҳақидаги менинг сигналларимни эшитган, деб умид қиламан."