Путиндан Трампнинг урушни тугатиш ваъдаси ҳақида сўралди

Пайшанба оқшомида саммит якунланаётган матбуот анжуманида Путиндан АҚШ президентлигига номзод Доналд Трампнинг Украинадаги жангларни тугатиш ҳақидаги ваъдаси ҳақида сўралди.

«Жаноб Трамп яқинда айтган, мен эшитган нарса - у Украинадаги можарога барҳам бериш учун ҳамма нарсани қилиш истаги ҳақида гапирган», деди Путин журналистларга.

«Менимча, у буни чин дилдан айтгандек туюлмоқда. Биз бундай баёнотларни, ким айтмасин, албатта мамнуният билан қабул қиламиз», - дея қўшимча қилди у.

Трамп ўтган ой Россия ва Украина ўртасида Украинадаги урушни тугатиши мумкин бўлган келишувга воситачилик қилишда ёрдам беришини таклиф қилган эди. Трамп АҚШнинг Украинага ёрдам беришига ҳам шубҳа билдирган.