NV Украина шарқидаги Россия босиб олган ерларда заводларни қайта қураётган, маҳаллий корхоналарни саноат ускуналари ва бошқа товарлар билан таъминлаётган муайян Хитой компанияларини аниқлади.
Камида ўнта хусусий Хитой компанияси Донетск ва Луганск вилоятларининг босиб олинган ҳудудларидаги корхоналар билан фаол ҳамкорлик қилиб, уларга ё ускуналар, ё бошқа маҳсулотлар етказиб бермоқда. NV бу хулосага очиқ манбаларни, жумладан, Россия тарғибот ОАВлари хабарларини ва босқинчи "маъмуриятлар" ҳисоботларини таҳлил қилиш, шунингдек, Украинанинг Россия босиб олган ҳудудларидаги вазиятни кузатиб борувчи маҳаллий мутахассислар билан суҳбатлашиш орқали келди.
Хитой компаниялари нафақат жиҳозлар етказиб бермоқда, балки босиб олинган ҳудудларга бизнес вакилларини юбормоқда, қўшма корхоналар ташкил этмоқда ва маҳаллий ишчи кучини фаол жалб қилмоқда.
Бу Хитой алоқалари энергетика ва қишлоқ хўжалиги инфратузилмасидан тортиб енгил саноатгача бўлган турли соҳаларни қамраб олади.
"Ҳозирги кунда россияликлар босиб олинган Украина ҳудудларини ривожлантириш учун молиявий маблағларга эга эмас," - деди Стратегик тадқиқотлар ва хавфсизлик институти директори Павло Лисянский.
"Шу сабабли Кремль Хитой компанияларини бу ҳудудларга сармоя киритишга жалб этишга уринмоқда."
Донетск ва Луганскнинг босиб олинган қисмларида хитойлик тадбиркорлар ва корхоналар ўртасидаги дастлабки муҳим алоқалар 2023 йил баҳорида ўрнатилди. Ўша пайтда Гуанчжоу шаҳрида Кантон ярмаркаси - импорт ва экспорт кўргазмаси ўтказилганди.
Озод этилган исроиллик асирнинг сўзлари кўпчиликни ҳайратлантирди: "Сафингизда бўлишни истардим"
Америкаликлар Зеленскийга бир соат вақт берди
Ернинг ички ядроси 15 йилдан кейин тўхтайди — олимлар
