Путин Трамп ва Эрон расмийлари билан ёпиқ музокаралар чоғида Теҳрон уранни бойитиш ҳуқуқидан воз кечадиган ядро битимини қўллаб-қувватлашини билдирган.
Бу ҳақда Ахios нашри музокаралар тафсилотлари билан таниш манбаларга таяниб хабар бермоқда.
Уч нафар европалик ва бир исроиллик расмийнинг маълумотига кўра, Россия норасмий равишда Эронга “нол даражадаги бойитишга” рози бўлишни тавсия қилмоқда. Бу позиция Исроил ҳукуматига ҳам етказилган.
"Биз Путин эронликларга айнан шуни айтганини биламиз", — деди юқори мартабали исроиллик манба.
Европа манбасининг сўзларига кўра, Путин сўнгги ҳафталарда бир неча бор шахсан Эронни муросага чақирган, бироқ Теҳрон бундай имкониятни кўриб чиқишдан ҳам бош тортган.
"Россия, агар келишув имзоланса, Эрондаги барча юқори даражада бойитилган уранни олиб чиқишга тайёр эканини билдирган. Бунинг эвазига Эрон АЭС учун 3,67% даражада бойитилган ядро ёқилғиси ҳамда Теҳрондаги тадқиқот реакторида фойдаланиш учун кичик партияларда 20% бойитилган уран олиши мумкин бўлади", дея ёзмоқда Ахios.
ЖЧ-2026 «тарихдаги энг ифлос мусобақа» бўлиши мумкин
Қозоғистонда 1 миллионга яқин сайғоқни отишга қарор қилишди
Мирзабек Холмедов янги лавозимга тайинланди
