Шереметевлар эвараси Россияга қайтишга қарор қилди

Граф Пьер Шереметев Россияга қайтишга қарор қилди, деб хабар берди Россиянинг Франциядаги элчихонаси.

У Россия президентига мактуб йўллаган. Ҳужжат аллақачон дипломатик каналлар орқали Москвага юборилган.

Шереметевлар оиласи Октябрь инқилобидан сўнг Францияга кўчиб кетган эди. Ўтган давр мобайнида улар Россия-Франция маданий ҳамкорлигини ривожлантириш ва мустаҳкамлашга катта ҳисса қўшган. Шереметевлар кўп йиллар давомида Париждаги Сергей Рахманинов номидаги консерваторияни таъминлаб келган.