Статистика қўмитасининг маълум қилишича, жорий йилнинг I ярмида республикада туғилган чақалоқлар сони 2024 йил мос давридагидан 14,4 минг нафарга камайди.
2025 йил 1 июль ҳолатига кўра, Ўзбекистон аҳолиси сони 37 миллион 860 минг кишига етди. Мазкур кўрсаткич 2024 йил июлидагига нисбатан 2 фоизга кўп. Ярим йил давомида аҳоли сонининг табиий ўсиши 321,4 минг кишига тенг бўлди.
Энг кўп аҳоли Самарқанд (4,3 млн киши) ва Фарғона (4,2 млн киши) вилоятларида яшамоқда. Энг кам аҳоли эса Сирдарё вилоятида — 938,5 минг киши.
Ўзбекистонда 2025 йил январь - июнь ойларида 405,5 минг чақалоқ туғилди. Шундан 209,6 минг нафари ўғил (51,7 фоиз), 195,9 минг нафари (48,3 фоиз) қиз болалар. Шаҳар жойларида 197,8 минг, қишлоқларда 207,7 минг чақалоқ дунёга келган.
Жорий туғилишлар сони 2024 йил мос даврига нисбатан 14,4 минг нафарга, 2023 йил I ярмига қараганда 29,1 минг нафарга камайган.
Олти ой давомида мамлакатда вафот этганлар сони 84,1 минг кишини ташкил этган. Шундан эркаклар 46,2 минг киши (54,9 фоиз), аёллар 37,9 минг киши (45,1 фоиз) бўлган. Оламдан ўтганларнинг 45,6 минг нафари шаҳарларда (54,2 фоиз), 38,5 минг нафари қишлоқларда (45,8 фоиз) яшаган.
Умуман олганда, ўлимлар сони 2024 йил июль ойидагидан 2,7 мингтага, 2023 йил мос давридагидан 4,4 мингтага кўпайган.
Пўлат Бобожонов лавозимидан озод этилди, Абдусалам Азизов янги лавозимга тайинланди
Самарқандда можарога сабаб бўлган бинони бузиш бошланди (видео)
Султон Али Раҳматов оламдан ўтди
