"Москва вилоятидаги Горки-2 аҳоли пунктида жойлашган мактабнинг тўққизинчи синф ўқувчиси қўриқчини пичоқлаб, сўнгра ўн ёшли тўртинчи синф ўқувчисига ҳужум қилди. Ўқувчи олинган жароҳатлар оқибатида вафот этди", дея хабар бермоқда агентлик.
Вафот этган ўқувчининг исми Қобилжон бўлиб, у асли тожикистонлик экани айтилмоқда. Ҳужумни амалга оширган ўсмир қўлга олинган. Маълумотларига кўра, унинг исми Тимофей, ёши 15 да.
Маsh Теlegram-каналининг хабар беришича, ҳужумдан бир неча кун олдин Тимофей синфдошларига ўзи ёзган “Менинг ғазабим” номли манифестини юборган. Матнда у жамиятдан қанчалик нафратланиши ҳақида, шунингдек нацистик ғояларни баён қилган.
Тимофей амалга оширган ҳужумини видеокамерага ёзиб олган. Видеода ўсмир олдидан чиққан ўқитувчи ўқувчилардан миллатини сўрагани акс этган. Baza Теlegram-каналининг ёзишича, ўсмир ўзининг математика ўқитувчисини ўлдиришни режалаштирган эди.
Хабар қилинишича, Тимофейнинг телефонида нацистик шиорлар акс этган бронежилет ва каска кийган ҳолда тушган расмлари топилган. Каскада 2022 йили АҚШнинг Буффало шаҳрида содир бўлган қора танлиларга қарши оммавий қотилликка ишора қиладиган ёзув бор эди. Ҳужумчининг футболкасида “Ҳеч қандай ҳаёт муҳим эмас” (No Lives Matter) деб ёзилган.
Машҳур актёр ўз квартирасидан ўлик ҳолда топилди
ФИФА Аргентина терма жамоасини 2026 йилги жаҳон чемпионатидан четлаштириши мумкин
Қаршида саунада фаолият юритган фоҳишахона аниқланди
