Россия президенти Владимир Путин экстремистик фаолият ёки терроризмга алоқадор шахсларнинг пул маблағлари ва мол-мулкидан фойдаланишини чекловчи янги қонунни имзолади.
Янги қонунга кўра, экстремистлар ва террорчилар рўйхатига киритилган фуқаролар фақат ўз эҳтиёжлари ҳамда даромад манбайига эга бўлмаган оила аъзоларини таъминлаш учун чекланган миқдорда молиявий операцияларни амалга ошириши мумкин. Бундай харажатлар қаторига иш ҳақи, пенсия, нафақа, стипендия ва бошқа ижтимоий тўловлар киради.
Ҳукумат Марказий банк билан келишилган ҳолда, оила аъзоларининг ҳар бири учун ойига 10 минг рубль миқдорида лимит белгилаган. Барча операциялар Росфинмониторинг билан олдиндан келишилиши шарт.
Шунингдек, гумонланувчи ёки қидирувда бўлган шахсларнинг маблағлари Росфинмониторинг сайтида улар ҳақида маълумот эълон қилинганидан сўнг 24 соат ичида тўлиқ музлатилиши назарда тутилган. БМТ Хавфсизлик Кенгаши резолюцияларида қайд этилган шахсларга нисбатан эса молиявий чекловлар олдиндан огоҳлантирмасдан қўлланилади.
Қонун расмий эълон қилинган кундан эътиборан кучга киради.
Машҳур актёр ўз квартирасидан ўлик ҳолда топилди
ФИФА Аргентина терма жамоасини 2026 йилги жаҳон чемпионатидан четлаштириши мумкин
Қаршида саунада фаолият юритган фоҳишахона аниқланди
