Украина президенти Зеленский урушни ҳозирги фронт чизиғида тугатиш ғоясига қарши чиқди

Унинг таъкидлашича, бу ҳолат тарихдаги Берлин тақдирига ўхшаб кетиши мумкин яъни ярим вайрон бўлган шаҳарлар қолиб кетади.

"Мен Трампга очиқ-ойдин айтдим: “Биз Берлинни хоҳлаймизми? Биз кўплаб шундай бўш ва вайрона шаҳарларни хоҳлаймизми?”, – дея изоҳ берди Зеленский.

У шунингдек, яқин ҳафталар ичида тўлиқ ўт очишни тўхтатиш эҳтимоли ҳақида аниқ жавоб беришдан тийилди. Президентнинг фикрича, вазият Саудия Арабистонида бўлиб ўтган музокараларга ўхшаш тарзда ривожланиши мумкин. Ўшанда дастлаб ҳаво ва денгизда "сукунат" масаласи муҳокама қилинган, кейин эса бу тўлиқ ўт очишни тўхтатиш муҳокамасига айланиб кетган эди.

"Балки бу сафар ҳам шундай бўлиши мумкин, лекин мен ҳозир бунга аниқ жавоб бера олмайман", – деди у.

Зеленский шунингдек, Трамп Киевнт Украинанинг рус қўшинлари томонидан босиб олинган ҳудудларини “Россияга тегишли” дея тан олишга мажбурламаслигини айтди.

"Трамп биз руслар томонидан босиб олинган ҳудудларимизни “Россияники” деб тан олмаслигимизни тушунади", — дея изоҳ берди Украина етакчиси.