2025 йил 10 июл тонгида Киевнинг Голосеев туманида Украина Хавфсизлик хизмати (СБУ) полковниги ўлдирилди, деб хабар бермоқда “РБК-Украина”.
Киев полиция бошқармаси Голосеев туманида ўқ отувчи қуролдан жароҳатланиш билан эркак кишининг жасади топилганини тасдиқлади, бироқ бошқа тафсилотларни очиқламади.
"СБУ ва Миллий полиция жиноятнинг барча ҳолатларини аниқлаш ва айбдорларни жавобгарликка тортиш учун комплекс чораларни кўрмоқда", – дейилади СБУ баёнотида.
Расмийлар қўшимча изоҳ беришдан ва ҳалок бўлган шахснинг шахсини ошкор қилишдан ҳам тийилишди, деб ёзади “Суспилне”.
Украина Олий Радасининг собиқ депутати Игор Мосийчукнинг маълум қилишича, ўлдирилган шахс – СБУ полковниги Иван Воронин бўлиб, у Махсус операциялар марказининг 16-бошқармаси 1-бўлимида катта оператив ходим бўлиб ишлаган.
Мосийчукнинг сўзларига кўра, жиноятчи Воронинга беш марта ўқ узган ва воқеа жойидан қочиб кетган. Воронин олган жароҳатларидан воқеа жойида ҳалок бўлган.
Россия санкциялар билан таҳдид қилмоқда: нишонда Ўзбекистон ҳам бор!
Қозоғистонда 1 миллионга яқин сайғоқни отишга қарор қилишди
Кремль Бокуни кечиришга чақиради
