Москва Озарбайжон билан иттифоқчилик муносабатларини сақлаб қолишни хоҳламоқда, ҳар икки мамлакат ўртасидаги кескинликка қарамай. Бу ҳақда Россия Президенти матбуот котиби Дмитрий Песков баёнот берди ва мавжуд муаммоларни конструктив ҳал этиш зарурлигини таъкидлади.
🗣 «Биз ҳали ҳам шунга ишонамиз: Россия ва Озарбайжон яқин ҳамкор, иттифоқчи бўлиб қолиши керак. Улар ўзаро умумий тарих, умумий бугун ва умумий келажак билан боғланган», — деди Кремль вакили.
Песков сўзларига кўра, Россия Озарбайжонда ушланган фуқаролари манфаатларини фаол ҳимоя қилмоқда. «Бизнинг элчихонамиз ва дипломатик идораларимиз озарбайжонлик ҳамкасблари билан доимий алоқада бўлиб, ушланган россияликларнинг ҳуқуқларини ҳимоя қилмоқда», — деди у.
Россия ва Озарбайжон ўртасидаги муносабатлардаги кескинлик Екатеринбургда бўлиб ўтган куч ишлатиш амалиётидан сўнг бошланди — унда икки нафар озарбайжонлик ҳалок бўлди. Жавоб тариқасида Боку Sputnik таҳририятида рейд ўтказиб, бир неча журналистни ушлади ва 1 июль куни наркотрафикда айбланган россияликлар гуруҳи қамалганини эълон қилди.
Шундан сўнг ҳар икки томон нота йўллади ва элчилар чақирилди.
Элдор Шомуродовнинг янги жамоаси маълум. У Италиядан кетмоқда
Россия санкциялар билан таҳдид қилмоқда: нишонда Ўзбекистон ҳам бор!
Кеча Тошкентда рекорд даражадаги иссиқ ҳаво қайд этилди
