Украина АҚШнинг ёрдамисиз ҳозирги жанговар суръатда ёз бошигача уруш олиб бора олади — CNN

Телеканал бу ҳақда Ғарб расмийларининг сўзларига таяниб хабар берди.

CNN'нинг қайд этишича, Қўшма Штатларнинг собиқ президенти Жо Байден ўз бошқарувининг сўнгги ойларида Украинага қурол етказиб беришни кучайтирган, бу эса мамлакатни замонавий қуролларнинг катта захираси билан таъминлаган.

Телеканал манбалари АҚШ президентининг Украинага қурол етказиб беришни тўхтатиш қарорини 28 феврал куни Оқ уйнинг Овал кабинетида Трамп билан тортишиб қолган Зеленскийнинг “хатти-ҳаракати”га тўғридан-тўғри жавоб эканлигини таъкидламоқда.

Аввалроқ, АҚШ президенти Доналд Трамп Украинага ҳарбий ёрдам кўрсатишни тўхтатиб туриш тўғрисида буйруқ бергани ҳақида хабар берган эдик.