Турк маданияти ва мероси жамғармаси Остона шаҳрида ўтказилаётган Минтақавий экологик саммитда: маданият ва экология мулоқоти

2026 йил 22 апрель куни Остона шаҳрида Минтақавий экологик саммит 2026 (RES 2026) ўз ишини бошлади.

Саммитнинг очилиш маросими Қозоғистон Республикаси Президенти, олийжаноб жаноб Қосим-Жомарт Тўқаевнинг қутлов нутқи билан бошланди.

Турк маданияти ва мероси жамғармаси президенти, профессор Актоти Раимкулова ушбу муҳим минтақавий экологик платформанинг очилиш маросимида расмий меҳмон сифатида иштирок этди. Жамғармамизнинг мазкур платформадаги иштироки туркий халқларнинг бой ва кўп асрлик маданий мероси ҳамда экологик масъулият фалсафаси ўртасидаги чуқур ва узвий боғлиқликни намоён этади. Бу эса уйғунлик, барқарорлик ва келажак авлодлар олдидаги масъулият тамойилларини акс эттиради.

Уч кун давом этадиган саммит доирасида иқлим инвестициялари, биологик хилма-хилликни муҳофаза қилиш ҳамда минтақавий экологик хавфсизлик масалалари муҳокама қилинади.

Очилиш маросимида Қирғизистон, Ўзбекистон, Туркманистон, Тожикистон, Мўғулистон ва Грузия давлатлари раҳбарлари, шунингдек, Озарбайжон, Россия Федерацияси, Беларус, Сербия, Покистон Ислом Республикаси ва бошқа мамлакатларнинг расмий вакиллари нутқ сўзладилар. Бундан ташқари, турли БМТ агентликлари (UNEP, UNESCO, FAO, UNDP), Европа Иттифоқи, Шанхай Ҳамкорлик Ташкилоти (SCO), Ислом Ҳамкорлик Ташкилоти (OIC), шунингдек, Жаҳон банки ва Осиё тараққиёт банки каби етакчи молиявий институтлар раҳбарлари ва мутахассислари ҳам тадбирда иштирок этмоқда.

Кўплаб делегациялар қатнашган ушбу йирик тадбир 24 апрель куни рақамли экологик ечимлар ҳамда сунъий интеллект технологияларини қўллаш масалаларига бағишланган муҳокамалар билан якунланади.

Шунингдек, саммит доирасида Туркий Маданият ва Мерос Жамғармаси президенти, профессор Акто́ты Раймкулованинг “Марказий Осиёда биологик хилма-хилликни муҳофаза қилиш бўйича минтақавий ҳамкорлик: глобал мажбуриятлардан қўшма амалий ҳаракатларга” мавзусидаги панел сессияда нутқ сўзлаши кутилмоқда.