«Манчестер Сити» бош мураббийи Хосеп Гвардиола келажакда унинг ўрнини ким эгаллаши мумкинлиги ҳақидаги саволга жавоб берди. Пепнинг фикрича, жамоанинг собиқ сардори, ҳозирда «Бавария»да муваффақиятли фаолият юритаётган Венсан Компани кун келиб «шаҳарликлар» устозига айланади.
Гвардиола бельгиялик мутахассиснинг иқтидорига анча олдин — у ҳали «Бёрнли»ни бошқариб юрган кезларидаёқ юқори баҳо берганини эслаб ўтди.
«Мен буни анча олдин, «Бёрнли»га қарши кубок баҳсларида ўйнаганимиздаёқ айтгандим. Унинг жамоаси ўйинларини кузатиб, эртами-кечми Венсан шу ерда (Ситида) бўлишини тушунганман.
Тўғри, у ҳали ёш, «Бавария»да эндигина икки мавсумни ўтказди, шу боис яна бир муддат Мюнхенда ишласа керак. Аммо ички сезимим айтмоқдаки, агар Компани ва «Бавария» йўллари айро тушса, у албатта Англияга қайтишни истайди. Ишончим комилки, «Манчестер Сити» унинг юрагида ва у қачондир яна клубимизга қайтади», — дея Гвардиоланинг сўзларини келтирмоқда Bayern & Germany.
Маълумот учун, Венсан Компанининг «Бавария» билан амалдаги шартномаси 2029 йилгача мўлжалланган. Унинг қўл остида мюнхенликлар жорий мавсумда Бундеслига чемпионлигини қўлга киритди ва ЕЧЛ яримфиналига қадар етиб келди.
Гвардиола голда Ҳусановни айблади
Перес “Реал”дан кетадиган саккиз футболчини аниқ кўрсатди. Рўйхат яна кенгайиши мумкин
Гвардиола: «Илтимос, уни мақташни тўхтатинг»
