Эрон Исроил билан алоқа қилганлиги учун юқори лавозимли амалдорни қатл қилди

Эрон Исроил разведка агентлиги Моссад учун жосусликда айбланган юқори мартабали мудофаа амалдорини қатл қилди.

Бу ҳақда Эроннинг расмий суд портали хабар бермоқда.

Нашрнинг хабар беришича, фуқаролик мудофааси бўйича давлат агентлигида юқори лавозимни эгаллаган Меҳди Фарид Эрон Олий суди буйруғи билан осилган.

Тергов давомида Фарид Исроил разведкасига махфий маълумотларни, жумладан, ташкилий жадваллар, ички макетлар, мудофаа иншоотлари хавфсизлиги ҳақидаги маълумотлар ва шахсий ёзувларни узатишга уринганини тан олди.