Трамп Хитойнинг Панама каналига таъсиридан норози

Америка Қўшма Штатлари Хитойнинг Панама канали фаолиятига таъсиридан норози. Бу ҳақда Америка президенти Дональд Трамп маълум қилди.

"Биз унинг юритилишидан мамнун эмасмиз, Хитойнинг таъсиридан мамнун эмасмиз. Тахминан бир йил олдинги вазиятга қараганимизда, деярли барча белгилар хитой тилида эди. Кейин мен канални Хитойга бермаганимизни, Панамага берганимизни айтдим" - деди Трамп Fox News телеканалига берган интервьюсида.

Унинг фикрича, Вашингтон, жумладан Панамага ҳам "каналдан воз кечмаслиги" керак эди. "Ҳозир биз Панама билан ишлаяпмиз. Биз нима қилишни ҳал қиламиз", деди у.

Панама Хитойнинг "Бир камар, бир йўл" ташаббусидаги иштирокини узайтиришдан бош тортгани муносабати билан, Fox News телеканали бошловчиси Трампдан Лотин Америкаси давлатлари ташқи сиёсатида Вашингтон ва Пекин ўртасида танлов қилиш кераклигига ишонадими ёки йўқлигини сўради. "Бир даражада, ҳа, эҳтимол", деб жавоб берди у.