Трамп ва Германия янги канцлери ўртасида биринчи қўнғироқ: Украина учун қандай қарор қабул қилинди?

ГФР янги канцлери Фридрих Мерц 8 май, пайшанба куни АҚШ президенти Дональд Трамп билан биринчи марта қўнғироқлашди. Суҳбат давомида Мерц Оқ уй раҳбарини Германияга таклиф қилди, Трамп эса ўз навбатида ГФР канцлерини Вашингтонга таклиф қилди, деб хабар бермоқда dpa агентлиги.

Ярим соатга яқин давом этган суҳбатнинг асосий қисми Украинадаги уруш масаласига бағишланди. ГФР ҳукумати вакили Стефан Корнелиуснинг маълум қилишича, Германия ва АҚШ Россия ҳарбий тажовузини тўхтатиш мақсадида яқин ҳамкорлик қилишга келишиб олган. Трамп ва Мерц Россия музокаралар учун майдонни бўшатиш учун ўт очишни тўхтатишга бориши керак, деган фикрга келишди. АҚШ президенти Европанинг Украинада тинчлик ўрнатиш бўйича саъй-ҳаракатларини қўллаб-қувватлашини айтди, деди Корнелиус.

Мерц ва Трамп, шунингдек, мамлакатлар ўртасидаги савдо келишмовчиликларини имкон қадар тезроқ ҳал қилиш керак, деган фикрга келишди.