Трамп ва Эрдўғaн АҚШ билан Эрон ўртасида Истанбулда учрашув ташкил қилишга уринди

Президент Дональд Трамп ва Туркия президенти Ражаб Тоййиб Эрдўғaн шу ҳафтада АҚШ ва Эрон расмийлари ўртасида Истанбулда учрашув ўтказишга ҳаракат қилишди. Бироқ бу саъй-ҳаракатлар Эроннинг олий раҳбари розилик бермагани сабабли муваффақиятсиз тугади. Бу ҳақда Axios нашри уч нафар америкалик расмий ва яна бир манбага таянып хабар берди.

Душанба куни Трамп ва Эрдўғон телефон орқали суҳбатлашди. Суҳбат чоғида Туркия президенти эртаси куни Истанбулда АҚШ ва Эрон расмийлари учрашувини ташкил қилишни таклиф қилди.

Америка президенти бу фикрни қўллаб-қувватлади. Манбаларга кўра, у вице-президент Вэнс ва Оқ уй вакили Стив Уиткоффни юборишга, ҳаттоки зарур бўлса, ўзи ҳам Эрон президенти Масъуд Пезешкиан билан учрашиш учун Туркияга боришга тайёр эканини айтган.

📞 Оқ уйдаги расмийлардан бири суҳбатдан бир неча соат олдин Эрон томони учрашувга қизиқиш билдирганини ҳам қўшимча қилган.

Икки америкалик расмийнинг сўзларига кўра, Пезешкиан ва Эрон дипломати Аббос Ароқчӣ олий раҳбар Оятулло Али Хоманаий билан боғланиб, унинг розилигини олишга ҳаракат қилишган. Бироқ Хоманаий билан алоқа ўрнатилмаган ва шу сабабли учрашув бекор қилинган.

Манбаларнинг айтишича, Трамп ва Оқ уйнинг юқори мартабали расмийлари дипломатик ечимга бўлган умидларини йўқота бошлашган ва АҚШ Эрон ядро дастурини йўқ қилиш учун уруш бошлашга мажбур бўлади, деган фикрга тобора кўпроқ ишонишмоқда.

🚫 Эрон томони эса, очиқ ва ёпиқ тарзда шунга ишора қилмоқдаки, улар Исроил ҳужумларини тўхтатмагунигача АҚШ билан бевосита музокара олиб бормайди.