Владимир Путин «Тўғридан-тўғри линия» давомида, агар Украинада янги ҳокимиятни сайлаш бўйича сайловлар ўтказилса, Россиянинг Украинага берилаётган зарбаларини бир кунга чеклашга тайёр эканини билдирди. Россия етакчисининг сўзларига кўра, Москва «сайловлар хавфсизлигини таъминлаш ҳақида ўйлаб кўриши мумкин». Бу овоз бериш куни Украина ҳудудининг ичкарисига зарбалар беришдан воз кечишни англатади.
Шу билан бирга, Путин Россиянинг ҳам қарши талаблари борлигини таъкидлади.
«Аммо, албатта, биз четлаб ўта олмайдиган бир масала бор. Яъни, Россия ҳудудида Украина фуқароларидан иборат миллионлаб одамлар яшайди — турли ҳисоб-китобларга кўра, беш миллиондан ўн миллионгача, — улар овоз бериш ҳуқуқига эга», — деди Россия раҳбари.
Украинада Россиянинг кенг кўламли босқини бошланганидан бери сайловлар ўтказилмаган. Шу сабабли Владимир Зеленский, жумладан, Оқ уйда ҳам танқид қилинган. Бунга жавобан Украина президенти сайлов ўтказишга тайёр эканини, аммо фақат реал ва барқарор хавфсизлик кафолатлари мавжуд бўлган тақдирдагина бунга рози эканини билдирган.
Минг афсус! АҚШдаги отишмада ўзбек талаба ҳалок бўлди
Аҳолига ҳеч қандай шартларсиз ҳар 3 ойда 200 доллардан берилади
«Даҳшатли суммалар»: АҚШ бизнеси Россияга қарши санкциялар туфайли қанча йўқотгани маълум бўлди
