Путин Зеленскийнинг Купянскдаги стела фонида тушган фотосурати ҳақида фикр билдирди ва уни "актёр" деб атади.
Журналист Павел Зарубин бир ҳафта аввал Украина президенти Володимир Зеленский Купянскдаги стела фонида олинган селфини эълон қилганини айтди ва Путиндан бунга изоҳ беришини сўради.
"У ахир актёр, устига-устак истеъдодли актёр, буни мен истеҳзосиз айтяпман", — дея жавоб берди Россия президенти. Путиннинг айтишича, стела ҳозир “бутунлай бошқача кўринишда”, бундан ташқари у шаҳардан бир километр узоқликда жойлашган.
"Эшик олдида туриб қолмасдан, агар Купянск уларнинг назоратида бўлса, ишкарига кирса бўлмайдими, — деди президент.
Чоршанба куни Украина Қуролли кучлари бош қўмондони Олександр Сирский украиналик ҳарбийлар Купянскнинг 90 фоизини назорат қилаётганини маълум қилган эди. Россия расмийлари эса Купянск Россия назоратида эканини таъкидлашда давом этмоқда, бироқ бу маълумотларни на Ғарб экспертлари, на россиялик блогерлар тасдиқламоқда.
Минг афсус! АҚШдаги отишмада ўзбек талаба ҳалок бўлди
Аҳолига ҳеч қандай шартларсиз ҳар 3 ойда 200 доллардан берилади
«Даҳшатли суммалар»: АҚШ бизнеси Россияга қарши санкциялар туфайли қанча йўқотгани маълум бўлди
