Трамп Россия ва Украина энергетик сулҳга келишганини маълум қилди

АҚШ президенти Дональд Трамп Россия ва Украина ўртасида энергетика объектларига ҳужумларни тўхтатиш бўйича келишувга эришилганини билдирди.

«Шу пайтдан бошлаб Россия ва Украина ўртасидаги урушда энергетик сулҳ амал қилади. Икки томон ҳам бунга рози бўлди. Уни бузманг!» — деб ёзди Трамп ўзининг Truth Social ижтимоий тармоғидаги саҳифасида.

Аввалроқ, 14 сентябрь куни ҳам Трамп Россия ва Украина бир-бирининг энергетика объектларига ҳужум қилмасликка келишганини айтган эди. Бироқ ўшанда томонлар бундай келишувни тасдиқламаган ва ҳужумлар давом этган.

Украина президенти Владимир Зеленский эса бугун Владимир Путин 60 кунлик ўт очишни тўхтатишга рози бўлса, президентлик сайловларини ўтказишга тайёрлигини билдирди.