АҚШ президенти Доналд Трампнинг Украинадаги урушни тугатиш режасида босиб олинган Қримнинг Россия ҳудуди сифатида расман тан олиниши мумкин, бу эса Киев учун жиддий оқибатларга олиб келиши мумкин.
Бу ҳақда The Telegraph тинчлик режаси лойиҳасини кўриб чиқиб, ёзмоқда.
Нашрнинг қайд этишича, Трамп Қримнинг Россиянинг бир қисми сифатида тан олинишини тинчликка эришиш учун мақбул нарх деб билади. Бироқ бундай ҳаракат халқаро ҳуқуқ ва АҚШнинг аввалги позициясига зиддир.
Аввалроқ, 2018 йилда ўша пайтдаги давлат котиби Майк Помпео Қримнинг аннекция қилиниши халқаро муносабатларнинг фундаментал тамойилларини бузганини айтганди.
Трамп, The Telegraph нашрининг ёзишича, халқаро ташкилотлар фикрига эътибор бермаяпти ва Украина Қримдан воз кечиши кераклигини таъкидламоқда. Кремл ярим оролни Қора денгиз сувларини назорат қилувчи Россия учун стратегик минтақа деб билади.
Қримни тан олиш ғояси Ғарб етакчилари орасида салбий муносабат уйғотди. Буюк Британия бош вазири Кей Стармер ва Германия мудофаа вазири Борис Писториус ҳудудий имтиёзлар муҳокама қилинаётганини, бироқ Трамп таклиф қилган миқёсда эмаслигини таъкидлади.
Хитойликлар оролни эгаллади ва тарк этди
Қозоғистон Хитойга ер бергани ҳақиқатми?
Россияликлар энди урушмоқчи эмас
