АҚШ президенти Доналд Трампнинг маълум қилишича, Қозоғистон расман “Иброҳим келишувлари”га қўшилишга рози бўлган ва яқин кунларда расмий имзолаш маросими бўлиб ўтади.
Бу ҳақда у 2023 йилдан кейин давлат раҳбарлари даражасидаги иккинчи АҚШ–Марказий Осиё саммити доирасидаги тантанали кечки овқатда баёнот берди.
Учрашувда Қозоғистон президенти Қасим-Жомарт Тоқаев, Қирғизистон раҳбари Садир Жапаров, Тожикистон президенти Эмомали Раҳмон, Туркманистон президенти Сердар Бердимуҳамедов ҳамда Ўзбекистон президенти Шавкат Мирзиёев иштирок этди.
“Қозоғистоннинг ‘Иброҳим келишувлари’га қўшилишга расман рози бўлганини эълон қилиш мен учун катта шараф. Бу ҳақиқий тарихий қадам. Такрибан 15 дақиқа олдин кучли етакчига эга буюк давлат расман келишувга қўшилди,” — деди Трамп.
АҚШ раҳбарининг таъкидлашича, бу келишув Яқин Шарқ ва минтақадаги барқарорликни мустаҳкамлаш йўлида муҳим аҳамият касб этади.
Трамп, шунингдек, ижтимоий тармоқдаги саҳифасида Исроил бош вазири Биньямин Нетаньяҳу билан телефон орқали мулоқот қилганини маълум қилди ва Қозоғистоннинг келишувга қўшилиши бўйича имзолаш маросими “жуда яқин вақтда” ўтказилишини билдирди.
Боғча мудираси иштирокидаги жанжалли вазият юзасидан қарор қабул қилинди (ВИДЕО)
Ким Чен Иннинг саломатлигига доир айрим маълумотлар ошкор қилинди
Эрлинг Ҳоланд «Реал Мадрид»га ўтмоқчи!
