"Ҳозир захираларимиз яхши даражада, аммо..."

Трамп АҚШнинг қурол-аслаҳа захиралари чексизлигини маълум қилди.

АҚШ президенти Дональд Трампнинг айтишича, мамлакатнинг ўрта ва катта калибрли қурол-аслаҳа захиралари чексиз ҳолатда, лекин бу ҳануз уларнинг орзу қиладиган даражаси эмас.

“Ушбу захиралардан фойдаланиб, урушларни чексиз ва муваффақиятли олиб бориш мумкин. Ҳозир захираларимиз яхши даражада, аммо мен хоҳлаган даражада эмас”, — деб ёзди Трамп Truth Social ижтимоий тармоғида.

Президентнинг қўшимча қилишича, АҚШ қурол-аслаҳасининг катта қисми хорижда сақланмоқда.