АҚШ президенти Демократик Республика Конго ва Руанда ўртасидаги тинчликни таъминлаш унинг шахсий ютуғи эканини айтиб ўтди. Мазкур давлатлар вакиллари кутилаётганидек, кейинги ҳафтада Вашингтонда тинчлик шартномасини имзолашади.
2022 йилдан бери урушаётган мамлакатлар ўртасидаги келишув ҳақида маълумот чориж куни эълон қилинди.
«Бу Африка учун улкан кун, ва ҳақиқатдан ҳам бутун дунё учун буюк кун!»💬 — Трамп ўзининг Truth Social ижтимоий тармоғида ёзди.
«Лекин бу ишим учун менга Нобел тинчлик мукофоти берилмайди», — деди у, шунингдек, «Ҳиндистон ва Покистон, Сербия ва Косово ўртасидаги урушни тўхтатиш», «Миср ва Эфиопия ўртасида тинчликни сақлаш» каби ишлари ҳам эътиборсиз қолганини қайд этди.
«Мен нимани қилмасинман, Россия/Украина ва Исроил/Эрон масалалари учун ҳам Нобел мукофоти берилмайди», — деб якунлади у.
Трамп тинчлик ўрнатувчи сифатида ўз ютуқлари ҳақида мунтазам гапиради, аммо AFP агентлиги таъкидлашича, амалда унинг роли кўрсатилган жанжалларда анча кам аҳамиятга эга.
У шунингдек Россия-Украина урушини 24 соат ёки 100 кунда тугатишни ваъда қилган, аммо беш ойлик президентлик даврида бундай натижага эриша олмади. АҚШнинг собиқ президенти Барак Обама 2009 йилда «халқаро дипломатия ва инсонлар ўртасида ҳамкорликни мустаҳкамлаш учун ажойиб саъй-ҳаракатлари» учун Нобел тинчлик мукофотига сазовор бўлган эди.
Иcроил «Қизил тўй» операцияси доирасида 12 дақиқа ичида Эроннинг ҳарбий раҳбарларини йўқ қилди
Исроил можаросига аралашган учинчи давлат Эрон томонидан зудлик билан жазоланади
"Эрон бу урушда ёлғиз эмас..."
