Трамп: "Кубада давлат тузуми президентлик муддати тугагунига қадар ўзгариши мумкин"

АҚШ президенти Дональд Трамп Кубада давлат тузуми унинг президентлик ваколати муддати тугагунига қадар, эҳтимол, ундан ҳам олдин ўзгаришига ишонади.

Бу ҳақда Трамп журналист Бенни Жонсонга берган интервьюсида маълум қилган.

«Биз Кубадаги вазиятни жуда диққат билан кузатиб боряпмиз, АҚШ Давлат котиби Марко Рубио эса бу масала билан пухта шуғулланмоқда. Унинг ота-онаси Кубадан. Ишончим комилки, икки ярим йил ичида бу масалада албатта натижага эришамиз, аслида бу анча олдинроқ ҳам содир бўлиши мумкин», — деди Трамп.

Шу билан бирга, АҚШ маъмурияти раҳбари бошқа босим усуллари самара бермаса, оролда Венесуэладаги сценарий такрорланиши эҳтимолини ҳам истисно қилмади.

«Қаранг, бу инқирозга учраган мамлакат (Куба — таҳр.). Венесуэлада нима қилганимизни кўринг, у ерда ҳаммаси жуда яхши бўлади. Аввал у ерда ишни охирига етказамиз, кейин эса, эҳтимол, бошқа масала билан шуғулланармиз. Венесуэладаги ишлар эса ажойиб кечди. Ҳозир эса Эрон деб аталмиш мамлакат билан шуғулланяпмиз ва уни ядро қуролидан маҳрум қиляпмиз», — деб жавоб берди АҚШ раҳбари.