Трамп Эрон билан можарога дипломатик йўл билан ечим топишга уриниш ниятида — АҚШ вице-президенти

Жей Ди Вэнснинг сўзларига кўра, президент Доналд Трамп Теҳрон билан музокаралар бутунлай боши берк кўчага кириб қолса, барча зарурий чораларни кўришга тайёр.

"Трамп дипломатик усулларга иложи борича амал қилмоқчи. Менимча, президент дипломатия бутунлай ўзини оқламаганини, қўшимча музокаралар ҳеч қандай фойда бермаслигини англагач, Теҳроннинг уранни бойитиш фаолиятини тугатиш ва Эрон ядровий дастурига барҳам бериш учун зарур бўлган ҳамма чораларни кўради", — дея аниқлик киритди Вэнс.