Трамп Атлантика ёки Тинч океанини ўз номи билан аташни хоҳламоқда

АҚШ президенти Дональд Трамп Атлантика ёки Тинч океанининг номини ўзгартириб, уни «Трамп океани» ёки «Америка океани» деб аташ имкониятини кўриб чиқаётганини билдирди.

Трамп Теннесси штатида сайловчилар билан учрашувда сўзлар экан, Онтарио кўлини «Америка кўли» деб қайта номлаш ташаббусини ҳам эслади.

«Мен Атлантика ёки Тинч океани ҳақида ўйладим. Биз уни “Трамп океани” ёки “Америка океани” деб атаймиз. Буни лавозимимни тарк этишимдан олдин амалга оширишимиз керак», — деди у.

Аввалроқ Трамп маъмурияти Ҳурмуз бўғозини ҳам Америка президенти шарафига қайта номлаш имкониятини кўриб чиқаётганини айтган эди.

Трамп илгари Онтарио кўлини «Америка кўли» деб қайта номлаш тўғрисидаги фармонни имзолаган. Бироқ Канада бош вазири Марк Карни мамлакатда кўлнинг аввалги номи сақланиб қолишини билдирган.