Трамп: "АҚШда мендан безор бўлишса, Исроилга кўчиб ўтаман"

АҚШ президенти Дональд Трамп америкаликлар уни қўллаб-қувватлашдан тўхтаса, сиёсий фаолиятини Исроилда давом эттириши мумкинлиги ҳақида ҳазил қилди.

3 ноябрь куни Fox News телеканалига берган интервьюсида у Исроил аҳолиси орасида жуда катта обрўга эга эканини таъкидлади.

"Агар АҚШда одамлар қачондир мендан чарчашса, Исроилга кўчиб ўтаман ва бош вазир бўламан. У ерда менинг рейтингим 99 фоиз", — деди Трамп.

АҚШ раҳбари Исроил билан муносабатлар ҳақида гапирар экан, мамлакатдаги машҳурлигига юқори баҳо берди.

Бироқ Трамп келтирган 99 фоизлик рейтингни тасдиқловчи ишончли сўров натижалари тақдим этилмаган.