Трамп Эрон ҳудудидаги яна бир нечта объект, жумладан, эҳтимолий ерости ядровий мажмуаси билан боғлиқ масалани ҳал этиш кераклигини айтди.
АҚШ президенти Дональд Трамп Вашингтон Эрон ҳудудидаги яна бир нечта объект, жумладан, эҳтимолий ерости ядровий мажмуаси билан боғлиқ масалани ҳал этиши кераклигини маълум қилди.
Америка етакчиси бу ҳақда Флорида штатидаги Мар-а-Лаго қароргоҳида журналистларга айтган.
«Биз уларнинг деярли барча қурол-яроғларини йўқ қилдик. Кўплаб ишлаб чиқариш қувватларини ишдан чиқардик. Уларнинг ядровий салоҳиятини йўқ қилдик. Ҳали бир ёки иккита объект билан боғлиқ масалани ҳал қилишимиз керак, аммо буни 10 дақиқа ичида амалга оширишимиз мумкин», — деди Трамп.
Унинг сўзларига кўра, янги зарбалар берилиши мумкин бўлган объектлардан бири Коланг-Газ-Ла тоғи остида жойлашган бўлиши тахмин қилинаётган ерости ядровий мажмуасидир. АҚШда бу тоғ Пикэкс-Маунтин (Pickaxe Mountain) номи билан маълум.
«Эҳтимол, Пикэкс-Маунтинга эътибор қаратиб, бу масалани ҳал қилишимиз керакдир. Буни жуда тез амалга оширишимиз мумкин», — дея қўшимча қилди АҚШ президенти.
Исроилда парламент сайловлари якунланди: Нетаньяху учун кутилмаган натижа
17 ёшли қиз ўлдирилиши 52 йилдан кейин фош этилди: унинг ота-онаси ҳақиқатни билмай вафот этди
1-ноябрдан иссиқ сув ва иссиқлик энергияси нархлари 30% га ошади
