"Титаник" чўкиб кетишидан бир неча кун олдин бортида ёзилган ноёб хат Англияда ким ошди савдосида сотилди. Муаллиф америкалик тадбиркор ва ёзувчи Арчибалд Грейси. 1912-йил 10-апрелда ёзилган мактуб ким ошди савдосида 350 минг евро атрофида рекорд суммага сотилди.
"Бу бизга маълум бўлган энг қимматли хатлардан биридир", деди Henry Aldridge & Son аукцион уйи.
Биринчи тоифадаги йўловчи Грейси Англиядаги дўстига шундай деб ёзган: "У жуда чиройли кема, лекин мен у ҳақида ўз фикримни билдиргунимча, саёҳат охиригача кутаман".
Унда лайнернинг ҳашамати ва бортдаги ўйин-кулги тасвирланган. Эртаси куни, 11 апрелда, хат Ирландиянинг Квинстаун портидан, Атлантика океани олдидаги охирги бекатдан юборилди.
Орадан атиги уч кун ўтиб, 15-апрелга ўтар кечаси лайнер айсберг билан тўқнашиб кетди ва чўкиб кетди, натижада 1500 га яқин одам ҳалок бўлди. Грейси йўловчиларга қутқарув қайиқларига тушишга ёрдам бераётган эди, бироқ у бир лаҳзада сувга тушиб кетди. У ағдарилиб кетган қутқарув қайиғигача сузишга муваффақ бўлди ва қутқарилгунга қадар музли сувда тўрт соат вақт ўтказди. У омон қолган 712 киши орасида эди.
Қутқарувдан сўнг Арчибалд Грейси "Титаник ҳақидаги ҳақиқат" китобини ёзди ва у бесцеллерга айланди. Аммо унинг ўзи ҳам жисмонан ҳам, руҳий жиҳатдан ҳам тузалмади: офатдан атиги саккиз ой ўтгач, 1912 йил 4 декабрда у Нью-Йоркда диабет ва ҳипотермиядан келиб чиққан асоратлардан вафот этди.
Россия Ҳиндистон ва Покистонга мурожаат қилди
Қозоғистон Хитойга ер бергани ҳақиқатми?
Россияликлар энди урушмоқчи эмас
