Суперлигада чемпионлик учун асосий даъвогарлардан бири собиқ футболчилари олдидаги қарздан тўлиқ қутилди

Ҳозирда Суперлигада чемпионлик учун курашаётган Фарғонанинг "Нефтчи" клуби собиқ футболчилари олдидаги қарзлардан тўлиқ қутилганини маълум қилди.

«Ўзбекистон футбол ассоциацияси ҳузуридаги Футболчиларнинг мақоми ва ўтиши бўйича қўмита томонидан қабул қилинган қарорлар ижроси таҳлил қилиниб, қўмита қарорларига мувофиқ, клубларга мавжуд қарздорликларни белгиланган муддатда тўлиқ бартараф этиш мажбурияти юклатилган эди.

Ҳозирги кунга келиб жамоамиз собиқ футболчилари — Азизбек Амонов, Манучеҳр Сафаров ва Шоҳруҳ Ғадоев олдидаги барча молиявий мажбуриятлар тўлиқ бажарилди», - дейилади «йўлбарслар» хабарида.