Швеция Польша шарқидаги ҳарбий базани ҳимоя қилиш учун Patriot ҳаво ҳужумидан мудофаа тизими ва 100 нафарга яқин ҳарбий хизматчини юборади. Бу ҳақда SVT телеканали хабар берди.
Телеканал маълумотига кўра, швед бўлинмаси Польшанинг Жешув шаҳридаги логистика марказини дронлар ва ракеталардан ҳимоя қилади. Айни пайтда бу вазифани Нидерландия ҳарбийлари бажармоқда.
Швеция ҳукумати қарор қилган операция 1 декабрдан бошланиши ва етти ойгача давом этиши мумкин.
Швеция ҳаво ҳужумидан мудофаа полки раҳбари София Вестермаркнинг айтишича, мазкур логистика маркази орқали ҳар ой тахминан 18 минг тонна юк ва материаллар ўтказилади.
«Бу объект Украина учун катта аҳамиятга эга ва шу сабабли НАТО учун ҳам муҳим ҳисобланади», — деди у.
Аэропортда янги туғилган чақалоқ ва унинг онаси вафот этди
13 ёшли қиз эгизак фарзандли бўлди
«Биз тайёрмиз»: Мерц Киевдан Путинга мурожаат қилди
