Туркия ва Покистон Саудия Арабистонига ҳарбийларни юборади. Қарор душанба куни Ямандаги ҳусийларнинг ракета ва дрон ҳужумларидан сўнг қабул қилинди. Уч давлат 7 август куни имзолаган мудофаа пактига кўра, улардан бирига ҳужум қилиш барчасига ҳужум ҳисобланади. Berliner Zeitung хабарига кўра, қўшинлар сони ва муддатлари ошкор этилмаган.
Уч давлат Покистон Ташқи ишлар вазирлиги томонидан эълон қилинган қўшма баёнот қабул қилди. Унда айтилишича, пакт «зудлик билан» кучга киради: келишилган қўшинлар ва ҳарбий ресурсларни ажратиш ва уларни Саудия Арабистонига «тезда кўчириш»ни таъминлаш керак. Қайси қисмлар ва қандай вазифа билан жўнатилиши баёнотда кўрсатилмаган.
Саудия Арабистони мудофаа вазири Холид бин Салмон қироллик ва унинг муқаддас қадамжоларига ҳужумларга қарши «жамоавий тийиб туриш» чоралари қўлланилаётганини айтди.
Сентябрь ойи охирида Саудия Арабистони Макка жанубида ҳусийларнинг дронини қўлга олганини маълум қилган эди. Ҳусийлар ислом зиёратгоҳларини нишонга олганини рад этмоқда.
Ҳусийлар, шунингдек, Ар-Риёддаги Saudi Aramco давлат нефть компанияси объектига баллистик ракеталар ва дронлар билан ҳужум қилганини маълум қилди.
Аэропортда янги туғилган чақалоқ ва унинг онаси вафот этди
13 ёшли қиз эгизак фарзандли бўлди
«Биз тайёрмиз»: Мерц Киевдан Путинга мурожаат қилди
