Москва яқинидаги “Шереметьево” халқаро аэропортида фожиали ҳолат қайд этилди. Аэропорт ҳожатхонасида янги туғилган ўғил бола чақалоқ жасади ва унинг онаси аниқланган.
Ҳуқуқни муҳофаза қилувчи органлар маълумотига кўра, дастлабки тахминларга асосан, аёл болани аэропорт ҳожатхонасида дунёга келтирган. Шундан сўнг чақалоқни бўғиб ўлдирган бўлиши мумкин.
Аёлнинг ўзи ҳам оғир аҳволда шифохонага олиб кетилган. У кўп миқдорда қон йўқотиши оқибатида вафот этган.
Аввалроқ Москва вилояти Тергов қўмитаси аэропорт ҳудудида янги туғилган чақалоқ ва унинг онаси жасадлари топилгани юзасидан жиноят иши қўзғатгани хабар қилинган эди.
Ҳозирда тергов органлари воқеанинг барча ҳолатларини аниқламоқда. Чақалоқнинг ўлими сабаблари, аёлнинг ҳомиладорлиги ва туғруқ билан боғлиқ ҳолатлар, шунингдек, воқеа тафсилотлари бўйича экспертизалар ўтказилмоқда.
Тергов якунланмагунча воқеанинг айрим ҳолатлари бўйича якуний хулоса беришга эрта.
Нега Исроил Ўзбекистонга қизиқиб қолди?
Айиқ овлаганларга пул мукофоти ваъда қилинди
Дубайдан Тел-Авивга учаётган самолётнинг россиялик ва украиналик учувчилари ўртасидаги жанжал туфайли самолёт фавқулодда қўндирилди
