«Санта-Барбара» сериалидаги Круз қаерга йўқолди: Эй Мартинес ҳозир қандай кўринишда? (фото)

«Санта-Барбара» телесериалини 90-йилларнинг энг машҳур ва афсонавий сериалларидан бири деб аташади. Калифорниянинг кичик бир шаҳрида яшовчи бадавлат Кэпвелллар оиласи ҳаёти ҳақидаги ушбу сериал Россия телевидениесида қарийб ўн йил давомида намойиш этилган.

Шу вақт давомида сериалнинг кўплаб қаҳрамонлари томошабинлар учун деярли оила аъзоларига айланган.

«Санта-Барбара» суҳбатлар учун туганмас мавзу эди. Чунки сценарий муаллифлари мухлисларни тез-тез навбатдаги кутилмаган воқеалар ва кескин сюжет бурилишлари билан ҳайратда қолдиришарди.

Шундай қаҳрамонлардан бири Круз Кастильо эди. Унинг ролини актёр Эй Мартинес ижро этган. Ҳалол, порага учмайдиган ва жасур полиция ходими шаҳардаги энг мураккаб жиноятларни фош этарди.

Унинг Иден Кэпвелл билан муносабатлари сериалнинг асосий романтик йўналишига айланган. Томошабинлар улар билан бирга ўнлаб айрилиқлар, душманларнинг фитналари, ўғирлаб кетишлар ва хотирани йўқотиш каби воқеаларни бошдан кечиришган. Эй Мартинес «Санта-Барбара»даги фаолиятини якунлаётганида ҳақиқий қайғуга ботган эди — актёр детектив образига шу қадар киришиб кетганди.

Ҳозирда Эй Мартенес 78 ёшда. Унинг ижодий фаолияти давомида телесериаллар ва фильмларда ўнлаб роллар мавжуд. Актёр «C.S.I.: Жиноят жойи», «Жиноятчидек фикрла», «Довюраклар ва гўзаллар», «Касл» ҳамда «Ҳаётимиз кунлари» каби машҳур лойиҳаларда суратга тушган.

Экрандаги қаҳрамонидан фарқли ўлароқ, Мартинес ҳаётда «Санта-Барбара» томошабинларига кўринганидек ишқий саргузаштларни хуш кўрувчи инсон эмас. Актёр икки марта уйланган. Унинг биринчи рафиқаси актриса Мэр Уиннингем бўлиб, уларнинг никоҳи бир йилга ҳам етмаган.

1982 йилда у Лесли Брайансга уйланган. Жуфтлик 40 йилдан ортиқ вақтдан бери бирга яшаб келмоқда. Улар уч нафар фарзанд — Дакота Ли исмли ўғил ва Девон Макена ҳамда Рен Фаррен исмли икки қизни тарбиялаб вояга етказишган.

Афсонавий Круз Кастильо ҳозир қандай кўринишда экани қуйидаги фотолавҳада тақдим этилган.