Самарқанд шаҳрида 2,6 млрд сўмлик электр энергиясидан ноқонуний фойдаланиш ҳолати аниқланди

Ўзэнергоинспекция Самарқанд вилояти ҳудудий бошқармаси ва ИИБ ҳамкорлигида ўтказилган назорат тадбирида Самарқанд шаҳрида жойлашган “S.Y.K” корхонасига қарашли суғориш тизимини ўзбошимчалик билан тақмоққа улаб, электр энергиясидан ноқонуний фойдаланишганлиги аниқланди.

Ушбу қоидабузарлик натижасида дастлабки ҳисоб-китобларга кўра электр таъминоти корхонасига 2 миллиард 601 миллион сўмлик зарар етказилганлиги маълум бўлди.

Ҳозирда ҳуқуқни муҳофаза қилиш органлари томонидан терговга қадар текширув ишлари олиб борилмоқда.