Руминиянинг Уюшган Жиноятчилик ва Терроризмни Тергов Қилиш Бошқармаси (DIICOT) Дубай валиаҳд шаҳзодаси сифатида таништирган нигериялик эркак томонидан руминиялик ишбилармон аёлга нисбатан содир этилган 2,5 миллион долларлик фирибгарлик бўйича жиноий тергов бошлади. Бу ҳақда Agerpres ахборот агентлиги хабар бермоқда.
Агентлик баёнотида жиноий гуруҳ тузиш ва ўта оғир оқибатларга олиб келадиган фирибгарлик билан боғлиқ жиноятларни тергов қилаётгани айтилган.
Терговчиларнинг сўзларига кўра, фирибгар аёлни гуманитар фондга сармоя киритишга кўндирган. Дубай шаҳзодаси билан ҳамкорлик қилаётганига ишонч ҳосил қилиб, у 2,5 миллион доллардан ортиқ маблағни сохта ҳисоб рақамига ўтказган. Бунинг учун ишбилармон аёл банк кредитлари, компания маблағларидан фойдаланган ва ҳатто уйини гаровга қўйган.
Бу эркак аслида Генри Эке исмли нигериялик фирибгар. У қурбонларини алдаш учун сохта шахслар, уйдирма банклар ва молиявий маслаҳатчилар, шунингдек, романтик ваъдалар ва турмуш қуриш таклифларини ўз ичига олган мураккаб схемадан фойдаланган.
Трампнинг икки-тўрт ой умри қолганми?
Илон Маск Россия дронларига Starlink сунъий йўлдош алоқасидан фойдаланишини чеклади — The Insider
Россия “соя флоти” кемаларини ҳимоя қилиш учун Ҳарбий-денгиз кучларидан фойдаланишни режалаштирмоқда
