SpaceX раҳбари Илон Маск компания “Россия томонидан Starlink'нинг рухсатсиз қўлланилишини тўхтатиш” учун чоралар кўрганини маълум қилди. Маскнинг сўзларига кўра, бу чоралар, кўринишидан, самара берган.
"Дастлабки қадамлар аллақачон реал натижалар бермоқда. Биз жамоангиз билан яқин ҳамкорликда кейинги муҳим чоралар устида ишлаяпмиз. Қўллаб-қувватлаганингиз учун раҳмат. Сиз эркинлик учун ҳақиқий курашчи ва Украина халқининг содиқ дўстисиз", — дея Маскка жавоб қайтарди Украина мудофаа вазири Михаил Фёдоров.
Январ ойи охирида Фёдоров SpaceX билан Россия учувчисиз учиш аппаратлари томонидан Starlink'дан фойдаланилиши муаммоси бўйича ҳамкорлик қилаётганини билдирган эди. Украина Мудофаа вазирлиги рухсат этилган қурилмалар рўйхатини тузиш мақсадида Украина армиясидаги Starlink фойдаланувчилари ҳақидаги маълумотларни йиғишни бошлаган.
Россияга яқин ҳарбий Теlegram-каналларнинг ёзишича, агар объект тезлиги соатига 90 км га етса, Starlink алоқаси узила бошлаган. Кўринишидан, бу чеклов украин дронларига ҳам тааллуқли.
Николай Валуев: "Марказий Осиё давлатларига ҳеч қачон таҳдид қилмаганман"
Хитой қуролли кучлари энг катта йўқотишлардан бирига дуч келди
Майк Хаккаби: "Исроилни ёқтирмасангиз, телефон ишлатманг!"
